Author: Himadri

আমি সকলোৱেই এষাৰ কথা কেতিয়াবা নহয় কেতিয়াবা শুনিছোঁ, যে 'নাৰীয়ে নাৰীৰ শত্ৰু' । কথাষাৰ কিমানলৈ সঁচা বা মিছা সেয়া হয়তো আমি কেতিয়াও অনুকীয়াই চোৱা নাই। "নাৰীয়ে নাৰীৰ শত্ৰু" বাক্যাংশটোৱে এটা জটিল বিষয়ক অতি সৰল কৰি তুলিছে। সকলো কথাৰে যিহেতু বেয়া আৰু ভাল দুটা দিশ থাকে গতিকে এইষাৰ কথাৰো দুটা দিশ আছে। সাধাৰণতে এজনী ছোৱালী সৰুৰ পৰা ডাঙৰ হোৱালৈ নাৰী জাতিটোক অনুসৰণ কৰিয়েই ডাঙৰ হয়। সৰু ছোৱালী এজনীৰ সৰুৰ পৰা ওচৰত থকা নাৰী গৰাকীয়েই তাইৰ আদৰ্শ স্বৰূপ হয়। বহুতৰে মুখত শুনিবলৈ পোৱা যায় যে ছোৱালীবোৰৰ বন্ধুত্ব ল'ৰাবোৰৰ বন্ধুত্বৰ দৰে নহয়। নাৰীয়ে নাৰীক যিমান হিংসা কৰে সিমান হিংসা ভাৱ পুৰুষৰ মাজত নাথাকে। এজনী মাহেকীয়া হ'বলৈ আৰম্ভ হোৱা ছোৱালীক তাইৰ ঘৰত থকা আন মহিলাসকলে যিমান অপবিত্ৰ বুলি শিকাই প্ৰকৃততে মাহেকীয়া ইমান অপবিত্ৰও নহয়। তেনেদৰেই এগৰাকী বিধৱা মহিলাক আন মহিলাসকলে যিমান অৱহেলা কৰে...

কিতাপৰ মহত্ত্ব আমাৰ জীৱনত কিমান সেয়া আমি সকলোৱে জানো। আনুষ্ঠানিক শিক্ষা গ্ৰহণ কৰা সময়ত পঢ়া কিতাপৰ বাহিৰেও আন বহুতো কিতাপ আছে যিয়ে আমাক জ্ঞান দিয়ে, যিবোৰ পঢ়ি আমি নিজকো ভালে ৰাখিব পাৰো। কিন্তু এই কিতাপ পঢ়াৰ অভ্যাস আমি এতিয়া খুব কমেই দেখিবলৈ পাওঁ। কিতাপৰ অৰ্থয়ে হ'ল জ্ঞানৰ ভঁৰাল। কোনো কিতাপেই কোনো লিখকৰ বাবে বেয়া নহয়। কিতাপৰ ভাল বা বেয়া বুলি কোনো শ্ৰেণবিভাজন নাথাকে অথবা থাকিবও নালাগে। তথাপিও বৰ্তমানৰ প্ৰজন্মৰ মাজত এনে অভ্যাস থকা ল'ৰা-ছোৱালীৰ সংখ্যা তেনেই তাকৰ। সৰু লৰা ছোৱালীৰ পৰা ডাঙৰ ল'ৰা- ছোৱালীলৈ কিতাপ আৰু মোবাইল ফোনৰ মাজৰ বাছনিত মোবাইলৰ পাল্লাখনহে ভৰি থাকিব। ইয়াত অৱশ্যে অভিভাৱকসকলৰো একেবাৰে দোষ নথকা নহয়। সন্তান এটা জন্ম হোৱাৰ পিছত তাক খুৱাবলৈ, শুৱাবলৈ সকলো কামতে বাৰু মোবাইল ফোনৰ সহায় লোৱাটো প্ৰয়োজন নেকি? আগৰ দিনত অভিভাৱকসকলক খাদ্য খুৱাবলৈ মোবাইল ফোনটোৰ প্ৰয়োজন নহৈছিল। ...

মোবাইল ফোনটো আমাৰ বাবে কিমান লাগতীয়াল বস্তু সেয়া নতুনকৈ কোৱাৰ প্ৰয়োজন নিশ্চয় নাই। কিন্তু এই মোবাইল ফোনটোৱে এতিয়া আকৌ অলপ বেলেগ ধৰণেৰে আমাক মোহিত কৰি আছে। কিছু সময়ৰ পৰা শিশুৰ পৰা বৃদ্ধলৈ সকলোকে আকৰ্ষিত কৰি ৰখা এবিধ বস্তু হৈছে shorts ভিডিঅ' (চুটি ভিডিঅ')। মোবাইল ফোনৰ প্ৰায় আটাইকেইটা সামাজিক মাধ্যমৰ এপতে এই ৩০ ছেকেণ্ড বা ১ মিনিটৰ ভিডিও কেইটা দেখিবলৈ পোৱা যায়। এই ভিডিঅ'বোৰে আমাৰ দৈনন্দিন জীৱনত কিমান ক্ষতিকাৰক প্ৰভাৱ পেলাই আছে সেয়া হয়তো আমি অনুভৱ নকৰোঁ। মোবাইল ফোনত ভিডিঅ' আমি সকলোৱে চাওঁ। তথাপিও কিন্তু এই চুটি ভিডিওবোৰ আমাৰ এতিয়া বেছি ভাল লগা হৈ আহিছে। কিছু তথ্য অনুসৰি জানিব পৰা গৈছে যে চুটি ভিডিঅ'সমূহ দীঘলীয়া ভিডিঅ'তকৈ ২.৫ গুণে বেছি আকৰ্ষণীয় হয়। এই চুটি ভিডিঅ'বোৰ এবাৰতকৈ বেছিকৈ চালেও দৰ্শকৰ আমনি নালাগে। এনেকুৱা ভিডিঅ'বোৰে দৰ্শকক তৎক্ষণাৎ মোহিত কৰিব পাৰে। এনে...